Merył Stryp sparadziravała Donalda Trampa FOTA, VIDEA
Amierykanskaja aktrysa Merył Stryp dobra paciešyła ńju-jorkskuju publiku, źjaviŭšysia ŭ vobrazie Donalda Trampa na štohadovym hała-pakazie Publičnaha teatra «Šekśpir u parku».
Kab damahčysia maksimalna padabienstva ź viadomym respublikanskim palitykam, Stryp vykarystała paryk, charakterny štučny zahar z aranžavym adcieńniem i nakładny žyvot.
Apranutaja ŭ ciomny mužčynski kaścium, biełuju kašulu i čyrvony halštuk Merył Stryp vykanała razam z aktrysaj Kryścin Baranski, jakaja hrała Chiłary Klintan, pieśniu «Aśviažy svajho Šekśpira» ź miuzikła Koŭła Portera «Całuj mianie, Ket».
«Nichto z nas nie bačyŭ jaje ŭ hetym kaściumie i hrymie da taho času, pakul jana nie vyjšła ŭviečary na scenu», — raspavioŭ u intervju Times mastacki kiraŭnik teatra Oskar Justys.
Takim niezvyčajnym čynam Stryp, jakaja aktyŭna zmahajecca za žanočaje raŭnapraŭje, vykazała padtrymku Chiłary Klintan, što abviaściła ŭ paniadziełak pra svaju pieramohu ŭ baraćbie za vyłučeńnie kandydatam u prezidenty ad Demakratyčnaj partyi.
Pa słovach aktrysy, niečakanaja ideja pieraŭvasobicca ŭ Trampa była jaje ŭłasnaj ad pačatku da kanca.
Jak adznačaje New York Times, Merył Stryp pradstaviła hledačam «bolš čym pierakanaŭčuju viersiju imaviernaha kandydata ŭ prezidenty ad Respublikanskaj partyi», zdoleŭšy pieradać jaho «poŭny pachvalby hołas navat padčas śpievu».