Chłopiec palez u čužy aharod pa kvietki dla dziaŭčyny, a atrymaŭ u patylicu nož
Incydent adbyŭsia ŭ vioscy Liski Rečyckaha rajona, piša Homielskaja praŭda.
Kala 22:00 15-hadovy chłopiec vyrašyŭ narvać u čužym kvietniku kvietak dla svajoj dziaŭčyny. U hety samy čas haspadar doma znachodziŭsia ŭ dvary z sadovymi instrumientami ŭ rukach.
Ubačyŭšy niečakanaha hościa, piensijanier pačaŭ łajacca, kryčać, kab chłopiec kinuŭ kvietki. Ale padletak staŭ uciakać, zachapiŭšy bukiet z saboj. Tady piensijanier špurnuŭ u jaho bok nož i patrapiŭ chłopcu prosta ŭ patylicu.
Paźniej vyśvietliłasia, haspadar doma byŭ pjany i sam nie viedaje, jak tak atrymałasia.
Jak raspavioŭ namieśnik načalnika AUS Rečyckaha rajona Andrej Siamkoŭ, paciarpiełaha dastavili ŭ balnicu, dzie paśla akazańnia miedycynskaj dapamohi adpuścili dadomu. Ciapier pryznačana ekśpiertyza, jakaja vyznačyć ciažar pryčynieńnia cialesnych paškodžańniaŭ. Pavodle jaje vynikaŭ vyznačać, ci pačynać kryminalnuju spravu.