Uchvalenyja nazvy novych chimičnych elemientaŭ, adzin ź ich — maskovij
Mižnarodny sajuz tearetyčnaj i prykładnoj chimii ŭchvaliŭ nazvy čatyroch novych chimičnych elemientaŭ pieryjadyčnaj tablicy Miendzialejeva.
AP
Niadaŭna adkrytyja zvyšciažkija elemienty rekamiendavana nazvać u honar Japonii, Maskoŭskaj vobłaści, amierykanskaha štata Tenesi i rasijskaha navukoŭca-jadzierščyka Juryja Ahaniesiana.
Takim čynam, elemienty pad numarami 113, 115, 117 i 118 atrymajuć adpaviedna nazvy nichonij (Nh), maskovij (Mc), tenesin (Ts) i ahaneson (Og).
Adznačym, što elemient numar 113 — vielmi radyjoaktyŭny i niestabilny: jon isnuje ŭsiaho siekundu, pierš čym raspadajecca na bolš lohkija atamy.
Usie čatyry elemienty byli adkrytyja jašče niekalki hadoŭ tamu, adnak ekśpiertam spatrebiŭsia čas na pierapravierki źviestak.
Pieršaadkryvalnikami elemientaŭ 115, 117 i 118 pryznanaja mižnarodnaja daśledčaja hrupa, jakaja składajecca z rasijskich i amierykanskich navukoŭcaŭ. Hetaja hrupa taksama pretendavała na prava ličycca pieršaadkryvalnikam elemienta 113, adnak u vyniku ekśpierty zamacavali hetaje adkryćcio za japonskimi navukoŭcami.
U apošni raz źmieny ŭ pieryjadyčnuju tablicu chimičnych elemientaŭ ŭnosilisia ŭ 2011 hodzie. Tady ŭ jaje dadali elemienty 114 i 116.