Praces vysmoktvańnia kryvi kamarom źniali na VIDEA
Kalifarnijskaje vydańnie KQED prezientavała videa, dzie va ŭsich padrabiaznaściach raspaviadajecca i pakazvajecca praces pahłynańnia čałaviečaj kryvi kamarami.
Reuters
Navukoŭcy adznačajuć, što kamary zastajucca samymi niebiaśpiečnymi dla ludziej žyviołami ŭ śviecie — z pryčyny ich ukusaŭ štohod pamirajuć sotni miljonaŭ čałaviek, pieradaje Lenta.ru.
Kali samka kamara rychtujecca zrabić ukus, jaje «huby» (hnutki čachoł dla kusalnaha orhana — łabium) adychodziać nazad, i ŭ skuru ŭtykajucca šeść padobnych da ihołak «lozaŭ» (maksił). Na dźviuch z maksił raźmiaščajucca minijaciurnyja zuby, jakija prachodziać unutr. Inšyja dźvie maksiły vystupajuć u roli ščypcoŭ: jany ŭtrymlivajuć tkanki, nie dajučy rancy zakrycca.
Narešcie, padhłytačnik zapampoŭvaje ŭ arhanizm čałavieka ślinu. Mienavita jana nie daje kryvi zhusnuć i pryhniataje reakcyju imunnaj sistemy čałavieka. Taksama ślina vyklikaje niepryjemny śvierb, i, narešcie, praź jaje ŭ arhanizm achviar traplajuć niebiaśpiečnyja virusy. I apošni elemient rotavaha aparata — vierchniaja huba: jana vykačvaje z ranki kroŭ.