Sienat Francyi zaćvierdziŭ rezalucyju ab pastupovaj admienie sankcyj suprać Rasii
Vierchniaja pałata parłamienta Francyi (Sienat) u sieradu źviarnułasia da ŭrada krainy z prośbaj pastupova zharnuć ekanamičnyja sankcyi, uviedzienyja Jeŭrapiejskim sajuzam suprać RF.
Dadzienaje rašeńnie było pryniata na viačernim pasiadžeńni paśla 4-hadzinnaha abmierkavańnia, paviedamlaje karespandent «Jeŭrapiejskaj praŭdy».
Kančatkovyja farmuloŭki rezalucyi pakul nie apublikavanyja — u tekst dakumienta byli ŭniesienyja šerah pravak. Pazicyja parłamienta padčas debataŭ była niekalki źmiakčanaj; u pryvatnaści, unosilisia prapanovy z nahody pastupovaha charaktaru źniaćcia sankcyj.
Usiaho ŭ Sienacie 348 deputataŭ, za prahałasavała 302 deputaty, suprać — 16. Takim čynam, rezalucyju padtrymała absalutnaja bolšaść deputataŭ Sienata.
U toj ža čas, dakumient nie źjaŭlajecca abaviazkovym dla ŭrada Francyi, havorka idzie pra palityčnuju pazicyju (rekamiendacyju) parłamienta krainy.
Rašeńnie ab praciahu sankcyj suprać RF, jak čakajecca, budzie pryniata Radaj ES u bližejšyja tydni; na majskaj sustrečy Vialikaj Siamiorki prezident Francyi padtrymaŭ zachavańnie sankcyj.
Raniej Viarchoŭnaja rada Ukrainy pryniała aficyjny zvarot da Sienata Francyi z zaklikam nie hałasavać za rezalucyju.