Pierastrełka ŭ Tel-Avivie: troje zabityja, vosiem paranienyja, dvoje aryštavanyja
Pavodle apošnich źviestak, try čałavieki, paranienyja padčas pierastrełki ŭ centry Tel-Aviva, pamierli ŭ balnicy.
Jak paviedamlaje izrailskaja palicyja, jašče vosiem čałaviek atrymali ranieńni, piaciora ź ich znachodziacca ŭ ciažkim stanie.
Dvoje strałkoŭ aryštavanyja, viaducca pošuki ich mierkavanaha saŭdzielnika, paviedamiła Bi-bi-si pradstaŭnik palicyi.
Incydent adbyŭsia ŭ niepasrednaj blizkaści ad centralnaha vajskovaha štaba i kompleksu budynkaŭ ministerstva abarony Izrailu. U hetym rajonie raźmieščana taksama mnostva kafe i restaranaŭ.
Na vykładzienym u sacsietkach videaroliku palicejski stralaje va ŭzbrojenaha čałavieka, a zatym aryštoŭvaje padazravanaha, na kašuli jakoha vidać kroŭ.
U palicyi zajaŭlajuć, što napad byŭ vidavočna nakiravany suprać izrailcianaŭ.