Na Jeŭra-2016 hulaje futbalist z kłuba ź Lichtenštejna, i upieršyniu na čempijanatach brat vyjdzie suprać brata
Hulec zbornaj Ałbanii (№10) Armanda Sadziku ad 2011 h. vystupaje ŭ šviejcarskich kłubach, hulaŭ u «Łuhana» i «Ciurychu», a ŭzimku 2016 h. pierajšoŭ na pravach arendy ŭ lichtenštejnski «Vaduc».
Što praŭda, u Lichtenštejnie svajho čempijanatu niama, i toj ža «Vaduc» niakiepska hulaje ŭ šviejcarskaj Supierlizie. U siezonie 2015-2016 h. kłub finišavaŭ na 8-m miescy, a Sadziku zabiŭ 5 hałoŭ u 10 matčach.
***
Siońnia a 16-j Ałbanija zhulaje akurat sa Šviejcaryjaj. Cikavy fakt, što ŭ zbornaj Šviejcaryi niamała hulcoŭ ałbanskaha pachodžańnia (Hranit Džaka, Vałon Biechrami, Blerym Džemaili, Šani Tašaraj, Džerdan Šakiry),
i naadvarot za Ałbaniju šmat hulaje ałbancaŭ, što naradzilisia ŭ Šviejcaryi (Frederyk Viesieli, Škielzien Hašy, Mihien Baša, Amir Abrašy dy inš).
I upieršyniu na čempijanatach Jeŭropy brat zhulaje suprać brata.
Hranit Džaka (Šviejcaryja) vyjdzie suprać Taŭlanta Džaka, jaki hulaje za Ałbaniju.
Instahram Hranita Džaki.