«Trastbank» źmianiŭ nazvu na bank «Rašeńnie»
Biełaruski «Trastbank» źmianiŭ svaju nazvu na bank «Rašeńnie». «Zavieršanyja jurydyčnyja pracedury, źviazanyja z rehistracyjaj źmienaŭ u statut banka, u tym liku sa źmianieńniem nazvy banka z ZAT «Trastbank» na ZAT «Bank «Rašeńnie», — paviedamlaje pres-słužba.
U sakaviku 2016 hoda ŭ miežach novaj stratehii banka akcyjaniery i bienieficyjarny ŭłaśnik z AAE pryniali rašeńnie pravieści rebrendynh ZAT «Trastbank».
Jak adznačaje pres-słužba, źmiena nazvy, abnaŭleńnie vizualnaha vobrazu i stratehii pazicyjanavańnia źviazanyja, z adnaho boku, ź nieabchodnaściu źmieny padychodu da sistemy ŭzajemaadnosiny z klijentami, ź inšaha — sa źmienaj akcyjanieraŭ, jakaja adbyłasia dva hady tamu.
Pry płanavańni stratehii bank «Rašeńnie» ŭličyŭ šerah tendencyj: źmianieńnie pavodzinaŭ spažyŭcoŭ, raźvićcio novych technałohij, uzmacnieńnie kankurencyi ŭ bankaŭskim siektary.
Adznačajecca, što klijenty banka «Rašeńnie» najbližejšym časam zmohuć atrymać dostup da vysokatechnałahičnych finansavych servisaŭ. Bank budzie aryjentavacca ŭ bolšaj stupieni na absłuhoŭvańnie małoha i siaredniaha biźniesu, pracu z pryvatnymi klijentami, płanuje akazvać pasłuhi ŭ halinie dakumientarnych apieracyj i handlovaha finansavańnia.
U banka bolš za 46 tys. klijentaŭ, jaho aktyvy na 1 červienia 2016 hoda skłali 1 trłn. 199 młrd. rubloŭ. Narmatyŭny kapitał — 489 młrd. rubloŭ.