U Marseli adbylisia masavyja sutyknieńni anhlijskich i rasijskich fanataŭ
U Marseli pierad futbolnym matčam Anhlija — Rasija znoŭ praciahnulisia sutyknieńni fanataŭ — rasijskich, anhlijskich i francuzskich. Palicyi pryjšłosia ŭžyć ślozaciečny haz, paciarpieli niekalki čałaviek.
AFP
U francuzskim horadzie Marseli, dzie ŭ subotu a 22-j adbudziecca matč pamiž zbornymi Anhlii i Rasii pa futbole, znoŭ adbylisia sutyknieńni rasijskich, anhlijskich i francuzskich zaŭziataraŭ, paviedamlaje telekanał BFM TV sa spasyłkaj na dadzienyja palicyi.
Sutyknieńni adnavilisia kala Staroha porta. Palicyi pryjšłosia prymianić ślozaciečny haz, paśla čaho fanaty syšli na susiednija vulicy. Niekatoryja ź ich praciahvali zmahacca ŭ natoŭpie, zryvajučy adzin z adnaho futbołki i raźbivajučy plaški ź pivam, adznačaje telekanał. U chodzie sutyknieńniaŭ, jak pieradaje telekanał, paciarpieli niekalki čałaviek.
«Palicyja ŭmiašałasia ŭ bojku pamiž prychilnikami anhlijskaj, rasijskaj i francuzskich kamand u rajonie Staroha porta. Situacyja narmalizavałasia», — raspavioŭ prefiekt palicyi Łaran Nuńjes.
Jon dadaŭ, što palicyja robić usio mahčymaje dla praduchileńnia bojek i źjaŭleńnia biesparadkaŭ. Nuńjes skazaŭ, što aryštaŭ nie było.
Pavodle infarmacyi The Independent, adzin z zaŭziatar zbornaj Anhlii paśla atrymanych traŭmaŭ znachodzicca ŭ krytyčnym stanie.