Bielhijcy znoŭ rasčaravali. Bielhija – Italija – 0:2
Nacyjanalnaja zbornaja Bielhija ŭžo nie pieršy hod ličycca adnym z favarytaŭ top-turnira, adnak kamanda rasčaroŭvaje.
Hoł Emanuele Džakieryni. Fota La Repubblica.
Pierad hulnioj ź Italijaj chłopcaŭ Marka Vilmatsa ličyli favarytaŭ. Jašče raz pa składach. Bielhijcy! Favarytami!! Suprać!!! Italii!!!! Voś jak vysoka staŭ canicca futboł u hetaj krainie Bieniluksa.
Sapraŭdy, pa imionach bielhijcy vielmi ŭražvajuć. Usłuchajciesia tolki: Kurtua, Ałderviejrełd, Viermalen, Nainhałan, Vitcel, de Brojne, Fiełajni, Azar, Karaska, Łukaku. Navat u italjancaŭ skład mienš uražvaje.
Adnak niaŭnaść takoha suzorja vialikich hulcoŭ nie robić zbornuju aŭtamatam mahutnym kalektyvam. Italjancy prademanstravali bielhijcam, jak treba vykarystoŭvać svaje šancy.
Spačatku ŭ pieršym tajmie 31-hadovy Emanuele Džakieryni z šarahovaj «Bałońji» skarystaŭ vydatny pas Leanarda Banučy – 1:0.
Bielhija niaspynna atakavała ŭsiu druhuju pałovu hulni. Adnak usio jašče małady Bufon advodziŭ pahrozy ad svajoj bramy. Užo ŭ samaj kancoŭcy hulni «makarońniki» złavili bielhijcaŭ na ŭzornaj kontratacy. Kropku ŭ jakoj pastaviŭ jašče adzin zusim nie junak, 30-hadovy Hracyjana Piele – 2:0.
Situacyja ŭ hrupie Je: Italija – 3 punkty, Šviecyja, Irłandyja – pa 1, Bielhija – 0.
Zaŭtra sustrakajucca: Aŭstryja – Vienhryja (19:00), Partuhalija – Isłandyja (22:00).