Zachop zakładnikaŭ u pryharadzie Paryža, teraryst nanios dzieviać udaraŭ nažom palicejskamu i zabiŭ jaho žonku
Francuzski śpiecnaz uziaŭ šturmam dom u pryharadzie Paryža, dzie nieviadomy zachapiŭ zakładnikaŭ. Napadnik zabity, pierad hetym jon zabiŭ dvaich žycharoŭ doma — palicejskaha i jaho žonku.
Pavodle papiarednich dadzienych, nieviadomy napaŭ na aficera palicyi kala jaho doma i nanios jamu kala dzieviaci udaraŭ nažom, u vyniku čaho palicejski pamior. Zatym napadnik zamknuŭsia ŭ domie zahinułaha, zachapiŭšy ŭ zakładniki žonku palicejskaha i małaletniaha syna.
Paviedamlałasia, što palicyja viała pieramovy z mužčynam, adnak usie sproby dyjałohu z zachopnikam paciarpieli niaŭdaču. Jak paviedamlajuć francuzskija ŚMI, śpiecnaz pačaŭ šturm paśla taho, jak zachopnik napisaŭ u tvitary, što zabiŭ adnaho z zakładnikaŭ.
«My nie viedajem ni asoby, ni sapraŭdnych matyvaŭ hetaha čałavieka», — zajaviŭ pres-sakratar ministra ŭnutranych spraŭ Francyi, dadaŭšy,
što śpiecnazu ŭdałosia vyratavać trochhadovaha syna zabitaha aficera palicyi.
Jak paviedamlajuć francuzskija ŚMI, napadnik moh być susiedam palicejskaha.
Ale paźniej «Isłamskaja dziaržava» ŭziała na siabie adkaznaść za napad.
U Francyi ŭ hetyja dni prachodzić čempijanat Jeŭropy pa futbole. U suviazi z hetym u Paryžy i inšych haradach dziejničajuć pavyšanyja miery biaśpieki.