U suviazi z denaminacyjaj pryjdziecca zamianić kožny dziasiaty kasavy aparat
Fota: sumy.all.biz
Kala 23 tysiač kasavych aparataŭ, jakija vykarystoŭvajucca ŭ Biełarusi, nie mohuć pracavać z kapiejkami. Heta aznačaje, što ich daviadziecca zamianić u suviazi z denaminacyjaj. Pra heta na forumie pradprymalnikaŭ 13 červienia zajaviŭ namieśnik načalnika ŭpraŭleńnia arhanizacyi handlu i pasłuh Minhandlu Andrej Miaškoŭ, pieradaje BiełaPAN.
Čynoŭnik painfarmavaŭ, što ŭ našaj krainie zarehistravana 246 tysiač kasavych aparataŭ. Bolšaść ź ich možna pieraprahramavać, kab jany apieravali koštami ŭ rublach i kapiejkach. Adnak kala 10% kasavych aparataŭ pieraprahramavać niemahčyma. Pa słovach Miaškova, apošni zakonny dzień vykarystańnia takich aparataŭ — 31 śniežnia 2016 hoda. A ŭžo z 1 studzienia 2017 hoda vykarystoŭvać ich budzie zabaroniena.
Miaškoŭ zaklikaŭ pradprymalnikaŭ jašče raz aznajomicca z detalami budučaj denaminacyi. Čynoŭnik rekamiendavaŭ im asabista aznajomicca z uzorami novych hrošaj u bankach abo orhanach unutranych spraŭ. Pa jaho słovach, užo byli zafiksavanyja fakty machlarstva, źviazanyja z novymi rublami.