Amar Macin byvaŭ u hiej-kłubie, u jakim zładziŭ bojniu
Amierykaniec afhanskaha pachodžańnia Amar Macin, jaki zastreliŭ 49 čałaviek u hiej-kłubie Pulse ŭ horadzie Arłanda (Fłaryda), byŭ pastajannym naviednikam hetaj ustanovy.
Pa słovach jak minimum čatyroch śviedak, jany nieadnarazova bačyli Macina, jaki napivaŭsia ŭ kłubie. Pa ich słovach, časam jon pierabiraŭ z ałkaholem nastolki, što pačynaŭ bujanić.
Jašče adzin śviedka zajaviŭ, što Macin kala hoda tamu prapanoŭvaŭ jamu sustrecca praz mabilnuju prahramu dla hiej-znajomstvaŭ, ale sustreča ŭ vyniku nie adbyłasia.
Da hetaha ŭ presie była papularnaja viersija, zhodna ź jakoj Macin napaŭ na naviednikaŭ hiej-kłuba z-za ich seksualnaj aryjentacyi.
Palicyja taksama ŭdakładniła źmiest zajavy, zroblenaj Macinam dyśpietčaru słužby vyratavańnia 911 užo paśla pačatku stralby.
Raniej paviedamlałasia, što jon zajaviŭ, što dziejničaje ad imia ekstremisckaj hrupoŭki «Isłamskaja dziaržava».
Adnak, pa apošnich dadzienych, jon vykazaŭ padtrymku taksama bratam Džacharu i Tamierłanu Carnajevym, jakija zładzili vybuchi ŭ Bostanie ŭ 2013 hodzie, i adnamu z amierykanskich śmiarotnikaŭ, jakija pracavali na «Al-Kaidu».