Śpiecnaz Francyi błakavaŭ rasijskich zaŭziataraŭ na padjeździe da Lila
Prezident Usierasijskaha abjadnańnia zaŭziataraŭ (UAZ) Alaksandr Špryhin paviedamiŭ, što francuzski śpiecnaz błakavaŭ i nadhladaje arhanizavanyja hrupy rasijskich zaŭziataraŭ na padjeździe da Lila.
sovsport.ru
«U nas hrupa UAZ, što rušyła ŭ bok Lila [u sieradu tam projdzie matč Rasija — Słavakija]. Paśla taho, jak naš aŭtobus vyjechaŭ z Kanaŭ, jaho akružyŭ palicejski śpiecnaz, prykładna 100 aŭtamatčykaŭ, i zahnali ŭ «adstojnik». Patrabujuć vychodzić z rečami i kudyści iści. Spačatku skazali, što nadhlad na pradmiet zbroi i narkotykaŭ, ciapier kažuć, što niejkaja pravierka i rasparadžeńnie prakurora respubliki Francyi. My apaviaścili hienieralnaje konsulstva Rasii ŭ Francyi, apaviaścili aficyjnych pradstaŭnikoŭ MUS Rasii, a taksama RFS. Skazali, što vychodzić nikudy nie budziem i patrabujem pierakładčyka dla tłumačeńnia situacyi. Voś užo hadzinu siadzim u aŭtobusie i čakajem, čym historyja zavieršycca. Heta biaźmiežža. Čamu jany ŭ Marseli tak nie pracavali, jak pracujuć ciapier?» — pryvodzić słovy Špryhina «R-Sport».