Pucin abviaściŭ raptoŭnuju pravierku va Uzbrojenych siłach Rasii
tass.ru
Va Uzbrojenych siłach Rasii pačałasia maštabnaja pravierka, padčas jaje buduć pravieranyja vajskovyja arsienały i asobnyja orhany vajennaha kiravańnia, paviedamiŭ u aŭtorak ministr abarony Rasii Siarhiej Šajhu.
«Dla acenki bajavoj i mabilizacyjnaj hatoŭnaści z 7 hadziny ranicy ŭ adpaviednaści z rašeńniem viarchoŭnaha hałoŭnakamandujučaha Uzbrojenymi siłami pačata čarhovaja raptoŭnaja pravierka. Padlahajuć praviercy šerah baz zachoŭvańnia ŭzbrajeńnia i techniki, a taksama asobnyja orhany vajennaha kiravańnia», — skazaŭ Šajhu. Pa słovach Šajhu, pravierka budzie doŭžycca da 22 červienia.
Ministr abarony adznačyŭ, što vojski nieabchodna rychtavać da vykanańnia zadač va ŭzbrojenych kanfliktach roznaj intensiŭnaści i kryzisnych situacyjach. Šajhu dadaŭ, što taksama treba źviarnuć asablivuju ŭvahu na mabilizacyjny składnik uzbrojenych sił, stan reziervovych farmiravańniaŭ, zapasy ŭzbrajeńnia i vajskovaj techniki, što znachodzicca na zachoŭvańni.