Biełaruskaja madel Iłona Huzarevič pieramahła ŭ mižnarodnym konkursie «Miss FashionTV Model Awards»
Biełaruska Iłona Huzarevič pieramahła ŭ mižnarodnym konkursie «Miss FashionTV 2016 Model Awards», jaki štohod pravodzicca na Kipry. Jaje pryznali najlepšaj u naminacyi «Miss Fashion TV 2016 Most Like». U konkursie brali ŭdzieł bolš za 50 pretendentak, jakija pradstaŭlali Paŭnočnuju i Paŭdniovuju Amieryku, Afryku i Jeŭraziju, Aŭstraliju (u tym liku Ukrainu i Rasiju, ale jany nie ŭvajšli ŭ lik pryzioraŭ).
Premija, zasnavanaja mižnarodnym televizijnym kanałam ab modzie Fashion TV, pravodzicca sumiesna z madelnym ahienctvam EliteModels. Staršynia žury — prezident Fashion TV Mišel Adam.
Iłona Huzarevič naradziłasia ŭ Minsku, u 2010-m hodzie skončyła 24-ju himnaziju, u 2015-m — Jeŭrapiejski humanitarny ŭniviersitet pa śpiecyjalnaści «mižnarodnaje prava».
Z 8-mi hadoŭ prafiesijna zajmałasia vialikim tenisam, z 14-ci — madel ahienctva Siarhieja Nahornaha, z 19-ci — madel ahienctva «Fashion Model Management» u Miłanie. U dadzieny momant dziaŭčyna pracuje Minsku ŭ hateli «Piekin» mieniedžaram pa pracy z haściami (Guest Relations Manager).