Interpał admoviŭ Ukrainie ŭ vyšuku bajevika pa mianušcy Mataroła — SBU
Interpał admoviŭ u vyšuku hramadzianina Rasiei Arsienija Paŭłava, pa mianušcy Mataroła. Jak infarmuje Centar infarmacyi ab pravach čałavieka, pra heta paviedamiŭ namieśnik načalnika Hałoŭnaha śledčaha ŭpraŭleńnia Słužby biaśpieki Ŭkrainy Vital Majakoŭ.
Paŭłava abvinavačvajuć u zabojstvie pałonnaha ŭkrainskaha vajennaha Ihara Branavickaha, jaki abaraniaŭ daniecki aeraport.
«Interpoł viarnuŭ nam dakumenty z abhruntavańniem pra palityčny charaktar spravy Mataroły. Nam heta niezrazumieła. Jon zastreliŭ na vačach u śviedak Branavickaha, u nas jon źjaŭlajecca padazravanym, i jość rašeńnie sudu pra jaho aryšt», — adznačyŭ pradstaŭnik SBU.
«Ja spadziajusia, što ŭsio ž va ŭzajemadziejańni ź mižnarodnaj supolnaściu hetaja pazycyja budzie źmienienaja», — adznačyŭ Majakoŭ.
U 2015 hodzie Ŭkraina źviarnułasia ŭ Interpał z prośbaj pra ab'viaščeńnie rasiejca ŭ vyšuk.
Paŭłaŭ pryjechaŭ na akupavany Danbas i ŭznačaliŭ niezakonnaje ŭzbrojenaje farmavańnie «Bataljon Sparta». Raniej jon zajaviŭ, što «rasstralaŭ 15 pałonnych» ukrainskich vajskoŭcaŭ.
Mižnarodnaja pravaabarončaja arhanizacyja Amnesty International zaklikała raśśledavać zabojstvy, u jakich pryznaŭsia Mataroła.