Rasijskija zaŭziatary paviedamili ab departacyi 50 čałaviek z Francyi
Aŭtobus z rasijskimi balelščykami ŭ rajonie Kan spynili francuzskija śpiecsłužby. Pa słovach kiraŭnika Usierasijskaha abjadnańnia zaŭziataraŭ, paśla pravierki pravaachoŭniki abjavili ab departacyi 50 fanataŭ
@Shprygin
Z Francyi departujuć 50 rasijskich zaŭziataraŭ, zajaviŭ kiraŭnik Usierasijskaha abjadnańnia zaŭziataraŭ (VOB) Alaksandr Špryhin, paviedamlaje R-Sport. Pavodle jaho słoŭ, ab departacyi abviaścili ŭsim zaŭziataram, jakija znachodzilisia ŭ aŭtobusie, jaki raniej spynili francuzskija siłaviki na paŭdniovym uschodzie krainy ŭ rajonie Mandelje-ła-Napul.
«Nam ciapier abviaścili, što ŭvieś aŭtobus budzie departavany, ale my čakajem konsuła, pahražajuć siłaj. Heta naturalnaje biazładździe, čamu departujuć aficyjnuju hrupu zaŭziataraŭ, jakija nie prymali nijakaha ŭdziełu ŭ biesparadkach u Marseli», - zajaviŭ Špryhin TASS.
U svaim fejsbuku Špryhin napisaŭ, što ŭ aŭtobusie znachodziacca kiraŭniki fan-kłubaŭ.