U Rečycy vyniesieny prysud adzinaccaci futbolnym fanatam
U Rečycy vyniesieny prysud adzinaccaci futbolnym fanatam, bolšaść ź jakich — 1997 i 1998 hadoŭ naradžeńnia, adzin — 2000-ha. Jany abvinavačvalisia ŭ ździajśnieńni złačynstvaŭ, praduhledžanych č. 2 art. 339 (złosnaje chulihanstva) i č. 2 art. 206 KK (rabavańnie, ździejśnienaje hrupaj asob). U dačynieńni da adnaho taksama była raspačataja kryminalnaja sprava za raspaŭsiud parnahrafii. Jašče adzin abvinavačvaŭsia ŭ raspalvańni mižnacyjanalnaj varožaści (art. 130 KK).
Jak paviedamiła BiełaPAN pres-sakratar Homielskaha abłasnoha suda Volha Barsukova, pavodle prysudu, jaki byŭ vyniesieny 10 červienia, try abvinavačvanyja patrapili pad amnistyju. Taksama na pieršapačatkovym etapie chłopcy abvinavačvalisia pa artykule ab niezakonnym pazbaŭleńni voli inšaha čałavieka, ale sudom jany byli apraŭdanyja.
Šeść chłopcaŭ byli pryznanyja vinavatymi ŭ złosnym chulihanstvie i pryhavoranyja da adnaho z pałovaj hoda abmiežavańnia voli biez nakiravańnia va ŭstanovu adkrytaha typu.
Dvoje (adzin ź jakich abvinavačvaŭsia ŭ raspalvańni mižnacyjanalnaj varožaści) byli asudžanyja na try hady šeść miesiacaŭ pazbaŭleńnia voli biez nakiravańnia va ŭstanovu adkrytaha typu.
Adzin z chłopcaŭ byŭ raniej sudzimy, tamu pryhavorany da pazbaŭleńnia voli na čatyry hady i dva miesiacy.
Prysud nie nabyŭ zakonnuju moc i moža być abskardžany abo apratestavany.
«Začepkaj u vykryćci ŭsioj złačynnaj dziejnaści fanataŭ stała raskryćcio chulihanstva, ździejśnienaha ŭ mai 2015 hoda.
Zaprasiŭšy ŭ hości hamialčanina, złamyśnik razam z saŭdzielnikami źbiŭ achviaru. Zatym mužčynu raspranuli, źviazali, a cieła raśpisali fašysckaj svastykaj i niecenzurnymi słovami, paśla čaho prymusili biehać pa horadzie», — paviedamlała raniej pres-słužba MUS. BiełaPAN chłopcy raniej tłumačyli, što jany hulali ŭ «Akupaj Piedafilaj» i zavabili na kvateru 27-hadovaha chłopca z Homiela, jaki chacieŭ ustupić ź niepaŭnaletnimi u pałavuju suviaź i byŭ za heta źbity.
U dačynieńni da adnaho ź fihurantaŭ spravy fanataŭ, 17-hadovaha žychara Rečycy, była raspačataja jašče adna kryminalnaja sprava — pa č. 1 art. 130 KK (raspalvańnie rasavaj, nacyjanalnaj abo relihijnaj varožaści). Pavodle infarmacyi śledstva, letam 2015 hoda padazrony ŭhavaryŭ małaletniuju dziaŭčynku słavianskaj źniešnaści źbić adnahodku-cyhanku.