Saviet Respubliki daterminova spyniŭ paŭnamoctvy Hanny Šarejka
Vierchniaja pałata biełaruskaha parłamienta siońnia na pasiadžeńni daterminova spyniła paŭnamoctvy člena Savieta Respubliki piataha sklikańnia Hanny Šarejka.
Hanna Šarejka pa vyzvaleńni ŭ zale suda, fota Ułada Šviadoviča
Jak paviedamiŭ, vystupajučy pierad kalehami, namieśnik staršyni pastajannaj kamisii pa zakanadaŭstvie i dziaržaŭnym budaŭnictvie Jaŭhien Karaškoŭ, dadzienaja pracedura źviazana z tym, što ŭ adpaviednaści z zakonam ab statusie deputata Pałaty pradstaŭnikoŭ i člena Savieta Respubliki, paŭnamoctvy člena SR pa rašeńni vierchniaj pałaty parłamienta pavinny być daterminova spynienyja ŭ suviazi z ustupleńniem u siłu prysudu Viarchoŭnaha suda.
«Ustupleńnie ŭ zakonnuju siłu prysudu źjaŭlajecca biezumoŭnaj padstavaj dla daterminovaha spynieńnia paŭnamoctvaŭ člena Savieta Respubliki z 10 červienia», — kanstatavaŭ Karaškoŭ.
Nahadajem, što ŭ piatnicu sud prysudziŭ dyrektara Viciebskaj brojlernaj fabryki Hannu Šarejka, zatrymanuju amal dva hady tamu, da dvuch z pałovaj hadoŭ pazbaŭleńnia voli z adbyvańniem pakarańnia ŭ kałonii ahulnaha režymu i z pazbaŭleńniem prava zajmać pasady, źviazanyja z vykanańniem arhanizacyjna-rasparadčych funkcyj, terminam na piać hadoŭ.
Adnak sud pavodle amnistyi vyzvaliŭ jaje ad adbyćcia asnoŭnaha i dadatkovaha pakarańniaŭ sa zdymańniem sudzimaści, tamu Hanna Šarejka była adpuščanaja na volu ŭ zale suda.