U Polščy minimalny zarobak vyraście da 436 jeŭra
Heta ŭ čatyry razy bolej, čym u Biełarusi.
Urad Polščy maje namier u nastupnym hodzie ŭstanavić minimalny zarobak u krainie na ŭzroŭni 1920 złotych (kala 436 jeŭra) biez vyliku padatkaŭ.
Pra heta ŭ paniadziełak zajaviła ministr siamji, pracy i sacyjalnaj palityki Elžbieta Rafalska, paviedamlaje Radyjo Polšča.
U aŭtorak 14 červienia pytańnie pavyšeńnia zarobku abmiarkujuć ministry na pasiadžeńni ŭrada.
Pa słovach polskaha ministra, prapanova ŭrada źjaŭlajecca kampramisam pamiž čakańniami prafsajuzaŭ i pracadaŭcaŭ.
U toj ža čas prafsajuzy i arhanizacyi pracadaŭcaŭ nie pryjšli da zhody ŭ hetym pytańni. Pieršyja patrabujuć ustalavać minimalny zarobak na ŭzroŭni 1970 złotych (448 jeŭra) biez vyliku padatkaŭ, a druhija chočuć pavyšeńnia zarpłaty da 1862 złotych (426 jeŭra).
Na dadzieny momant minimalny zarobak u Polščy składaje 1850 złotych, heta značyć kala 420 jeŭra.
Nahadajem, što ŭ Biełarusi minimalny zarobak składaje 2 młn 300 tys. rubloŭ, što ŭ pieraliku na siońniašni kurs raŭniajecca 102 jeŭra.