Kniharnia «Halijafy» pierajedzie z Trajeckaha pradmieścia
Ciapier kniharnia ŭ minskim Trajeckim pradmieści zakrytaja, ale nieŭzabavie jana adkryjecca na novym miescy, a taksama zapracuje ŭ internecie.
Fota Mikity Niedavierkava
Ad 13 červienia kniharnia «Halijafy», što pracavała ŭ minskim Trajeckim pradmieści, začynienaja.
Ale, jak raspavioŭ dyrektar vydaviectva «Halijafy» Źmicier Višnioŭ, kniharnia nieŭzabavie adkryjecca ŭ novym pamiaškańni, taksama ciaham miesiaca zapracuje anłajn-kniharnia.
«Heta z abjektyŭnych pryčynaŭ — była «niepadjomnaja» arendnaja płata, — kaža Višnioŭ. — Kali b rabili płatnyja mierapryjemstvy — heta adno, ale ž my namahalisia być hetkim sacyjalnym prajektam, tamu vychodziła ciažka. Ale ž vydaviectva pracuje, novyja knihi vychodziać».
Jak kaža dyrektar «Halijafaŭ», vydaviectva spadziavałasia na «adekvatny košt» arendy pamiaškańnia dla kniharni i mahčymyja źnižki, ale cana zastałasia zavialikaj. Tym nie mienš, kampanija ŭžo «na stadyi zaklučeńnia damovaŭ» pa novym pamiaškańni dla kniharni, adras jakoha Višnioŭ pakul nie nazyvaje.