Kiraŭnik RFS zaklikaŭ rasijskich zaŭziataraŭ u Francyi padparadkavacca patrabavańniam palicyi
Rasijskija fanaty ŭ Francyi, jakija padlahajuć departacyi, pavinny padparadkavacca patrabavańniam miascovych uładaŭ, zajaviŭ kiraŭnik Rasijskaha futbolnaha sajuza Vital Mutko. Pavodle jaho słoŭ, pakul zaŭziatary «pavodziać siabie dosyć samastojna»
AFP
«Va ŭładaŭ Francyi jość svaje patrabavańni, treba padparadkoŭvacca patrabavańniam uładaŭ, i tady budzie ŭsio narmalna», — zajaviŭ ministr.
Mutko rastłumačyŭ, što paśla analizu padziej u Marseli niekatorych ź liku rasijskich zaŭziataraŭ identyfikavali jak zavadataraŭ biesparadkaŭ. Pavodle jaho słoŭ, ułady pryniali rašeńnie ab departacyi hetych ludziej, ale jany «nie vychodziać z aŭtobusa i nie žadajuć vykonvać ich patrabavańni».
«Na miesca jedzie konsuł, jon pavinien paśpieć pryjechać. Jak konsuł pryjedzie, jon dapamoža ich vyvieści z aŭtobusa», — raspavioŭ kiraŭnik RFS i adznačyŭ, što pakul zaŭziatary «pavodziać siabie dosyć samastojna».
«Idzie dyjałoh, my pracujem», — skazaŭ na zakančeńnie Mutko.
***
Francuzskija pravaachoŭniki ŭ hateli ŭ Mandelje-ła-Napul pad Marselem praviarajuć asoby 29 rasijanaŭ i ŭžo pryniali rašeńnie ab departacyi niekalkich ź ich, paviedamiła ahienctva Bloomberg sa spasyłkaj na AFP, jakoje ŭ svaju čarhu spasyłajecca na miascovyja ŭłady. Dakładnaja kolkaść rasijanaŭ, jakija padlahajuć departacyi, nie ŭdakładniajecca. Jak adznačaje ahienctva, ich padazrajuć u tym, što jany ŭjaŭlajuć pahrozu hramadskamu paradku.