Zatrymanyja anarchisty, jakich padazrajuć u zakidvańni farbaj budynka Biełteleradyjokampanii
Jak paviedamlaje AČK-Biełaruś, 14 červienia stała viadoma, što pačalisia represii ŭ dačynieńni da anarchistaŭ paśla ich akcyi suprać prapahandy biełaruskaha telebačańnia.
Uviečary 13 červienia byli zatrymanyja anarchist i anarchistka (imiony pakul nie paviedamlajucca), jakija ciapier znachodziacca ŭ Pieršamajskim RUUS pa padazreńni va ŭdziele ŭ akcyi. Taksama byli praviedzieny pieratrusy pa mienšaj miery ŭ dvuch čałaviek.
Sprava zaviedziena pa č. 2 art. 339 Kryminalnaha kodeksa Respubliki Biełaruś — «Chulihanstva, ździejśnienaje paŭtorna, albo hrupaj asobaŭ», rasśledujecca Pieršamajskim RUUS h. Minska.
Nahadajem, 9 červienia anarchisty zakidali lampačkami «pramoha dziejańnia» budynak «Biełteleradyjokampanii». Hetaj akcyjaj jany vystupajuć «suprać prapahandy z boku dziaržavy, jakaja kožny dzień tranślujecca z ekranaŭ televizaraŭ, vylivajecca na hramadstva praz radyjopryjomniki».