U štacie Kałarada maci vyciahnuła syna z paščy pumy
U amierykanskim štacie Kałarada maci vyratavała svajho piacihadovaha syna, na jakoha puma napała ŭ dvory doma.
Žančyna pačuła kryki i vybiehła z chaty ŭ dvor, dzie ŭbačyła, što puma napała na jaje syna. Pavodle słoŭ maci, jana schapiła žyviołu za łapu i zasunuła svaju pravuju ruku ŭ jaje pašču, kab adkryć jaje i vyzvalić adtul hałavu syna.
Paśla taho jak maci udałosia vyzvalić chłopčyka, puma ŭciakła.
Zaraz dzicia znachodzicca ŭ špitali ŭ Denviery: paviedamlajecca, što ŭ jaho paškodžanyja hałava i šyja, adnak daktary aceńvajuć jaho stan jak zadavalniajučy. U maci — pakusanaja ruka i padrapanaja naha.
Ułady paviedamlajuć, što nieŭzabavie paśla incydentu znajšli pumu niepadalok ad miesca zdareńnia i zabili drapiežnika, paśla čaho praciahnuli pračesvać miascovaść i zastrelili jašče adnu pumu.
Papulacyja pum u štacie Kałarada aceńvajecca jak 4500 žyvioł, časam u pošukach ježy jany nabližajucca da pasieliščaŭ.
Za apošnija 25 hadoŭ pumy zabili troch čałaviek, jašče 18 čałaviek byli paranienyja.