Ibrahimavič paviedamiŭ pra pierachod u «Mančester Junajted»
Forvard zbornaj Šviecyi Złatan Ibrahimavič abviaściŭ pra svoj pierachod u «Mančester Junajted».
«Nadyšoŭ čas, kab śviet daviedaŭsia. Moj nastupny punkt pryznačeńnia — @ManUtd», — napisaŭ jon u tvitary.
Pra toje, što Ibrahimavič moža syści ŭ «Mančester Junajted», kažuć daŭno. Letam skončyŭsia kantrakt futbalista z francuzskim kłubam «Pary Sien-Žermien».
Niadaŭna Ibrahimavič zajaviŭ, što sychodzić ź mižnarodnaha futboła.
«Apošniaja hulnia [na Jeŭra-2016] budzie majoj apošniaj hulnioj za Šviecyju, tamu ja spadziajusia, što jana adbudziecca nie zaŭtra», — zajaviŭ jon 21 červienia. Na nastupny dzień adbyŭsia matč Šviecyi ź Bielhijaj, u jakim kamanda Ibrahimaviča prajhrała ź likam 1:0 i vylecieła z čempijanatu.