Kiraŭnik misii MVF pa Biełarusi: Denaminacyja sprościć štodzionnaje žyćcio
Denaminacyja sprościć štodzionnaje žyćcio. Takoje mierkavańnie vykazaŭ siońnia žurnalistam kiraŭnik misii MVF pa Biełarusi Piter Dołman.
«Napeŭna, denaminacyja sprościć naša štodzionnaje žyćcio. Prynamsi, dla misii MVF budzie značna lahčej vykonvać raźliki, kali my likvidujem čatyry nuli», — skazaŭ pradstaŭnik MVF.
Piter Dołman pryznaŭsia, što sam ź nieciarpieńniem čakaje momantu, kali možna budzie ŭbačyć novyja biełaruskija hrošy. Jon ličyć, što ŭrad i Nacbank padrychtavalisia da praviadzieńnia denaminacyi, i navat kali ŭźniknuć niejkija techničnyja ciažkaści, to ŭsie jany buduć vyrašany.
Adkazvajučy na pytańnie, ci zabiaśpiečyć denaminacyja stabilnaść u ekanomicy, Piter Dołman adznačyŭ, što dla dobrych pierśpiektyŭ patrebny nadziejnyja miery ekanamičnaj palityki.
«Nam ujaŭlajecca, što ŭrad idzie ŭ pravilnym kirunku. Adnak faktary słabaabaronienaści raźvivajucca i ŭzmacniajucca chutčej. Mienavita tamu my zaklikajem urad iści chutčej, kab «dahnać i abahnać» hetyja faktary słabaabaronienaści. Heta zakładzie asnovy dla bolš vysokich tempaŭ ekanamičnaha rostu», — ličyć kiraŭnik misii MVF pa Biełarusi.