Bramnik futbolnaj zbornaj Biełarusi pierajšoŭ u «Arenburh»
Kapitan minskaha «Dynama» Alaksandr Hutar pierajšoŭ u futbolny kłub rasijskaj premjer-lihi «Arenburh». Biełaruski hałkipier padpisaŭ kantrakt terminam na adzin hod.
Apošnija try z pałavinaj siezony Alaksandr Hutar, jakomu ciapier 27 hadoŭ, pravioŭ u minskim «Dynama», a da hetaha — z 2006 pa 2012 hod vystupaŭ u barysaŭskim BATE.
U 2011 hodzie Hutar byŭ pryznany najlepšym futbalistam Biełarusi.
U «Arenburhu» jaho partnioram budzie były adnakłubnik pa BATE biełaruski paŭabaronca Pavieł Niachajčyk.