Minskaje «Dynama» pieramahło łatvijski «Spartak» — 2:1
Nie paśpieŭ jašče skončycca sioletni Jeŭra, jak biełaruskija kamandy ŭziali start u jeŭrakubkach siezonu 2016/2017.
Pačynajuć našy kamandy z samych nizoŭ. U pieršym kvalifikacyjnym raŭndzie minskaje «Dynama» prymała na stadyjonie «Traktar» jurmalski «Spartak».
Fota zum.by.
Pryhožaja šylda dla ludziej, jakija jašče sumujuć pa savieckim futbole: «Dynama» – «Spartak». Łatvijskaja kamanda, choć i maładaja (zasnavanaja ŭ 2007 hodzie), ale vielmi bajavitaja. Jaje ŭznačalvaje biełaruski śpiecyjalist Aleh Kubaraŭ, a ŭ składzie kłuba značylisia siońnia troje biełarusaŭ: Dźmitryj Płatonaŭ, Siarhiej Kazieka, Siarhiej Pušniakoŭ.
Pra toje, što hulnia dla minčukoŭ nie mahła być lohkaj, havoryć choć by toj fakt, što biełaruskija kamandy pakul tolki adnojčy ź piaci sprobaŭ pieramahali łatvijskija. Usim pomnicca, jak BATE niekali siensacyjna sastupiŭ «Vientśpiłsu» ŭ Lizie čempijonaŭ. «Spartak» (Jurmała) – heta lidar sioletniaha pieršynstva Łatvii.
U «Dynama» ž istotnyja prablemy sa składam. U rasijski «Arenburh» źjechaŭ bramnik Alaksandr Hutar, 30 červienia byŭ apošni dzień kantrakta sierba Nienada Adamavič, traŭmavany centralny abaronca Umaru Banhura.
Choć bukmiekiery i vieryli ŭ biełarusaŭ, ale na spravie ŭsio mahło skončycca vielmi pa-roznamu.
«Dynama» pačało hulniu sa svaich atak, «Spartak» hramatna abaraniaŭsia. Mabyć, nadziejnaść ułasnych tyłoŭ – heta asnoŭnaje, pra što kazaŭ Aleh Kubaraŭ svaim chłopcam.
Hoł atrymaŭsia dastatkova raptoŭnym. Juryj Astravuch vielmi dobra zakinuŭ miač u štrafnuju, a tam Arciom Bykaŭ hałavoj prabiŭ u tuju kropku varot, kudy bramnik daciahnucca nie moh nijak – 1:0.
Paśla hetaha hulnia supakoiłasia. Jana navat zakałychvała hledačoŭ. «Spartak» nie išoŭ napierad, a ŭ «Dynama» ničoha nie atrymlivałasia.
Druhi tajm startavaŭ z atak jurmalskaha kłuba. Momantami «Dynama» hulała na adboj. Paru razoŭ dobra zhulaŭ małady bramnik Ihnatovič. Adčuvałasia, kali spravy tak pojduć dalej, to «Spartak» adyhrajecca. Na žal, tak i adbyłosia.
Heta Invus Šłampie abkraŭ na fłanzie abaroncu «Dynama» Alaksandra Najoka i vykaciŭ miač pad udar Daniiła Ulimbašava – 1:1. Abaronca «Dynama» nie mieŭ prava tak pamylacca ŭ tym epizodzie.
I ŭsio ž «Dynama» prademanstravała sapraŭdny bajcoŭski duch. Nie prajšło i dvuch chvilin ad momantu hoła Ulimbašava, jak Arciom Bykaŭ u druhi raz za viečar prymusiŭ łatvijcaŭ kapitulavać. Jon skarystaŭsia pamyłkaj bramnika «Spartaka», jaki vybiŭ miač akurat na nahu biełarusu – 2:1.
Bolej hałoŭ nie było. Hulnia ŭ adkaz projdzie 7 lipienia ŭ Łatvii. Lohka našym dakładna nie budzie.
Druhi naš pradstaŭnik u Lizie Jeŭropy salihorski «Šachcior» u haściach pieramoh farerski «Runavik» – 2:0. Abodva hały ź pienalci zabiŭ ukrainski lehijanier Arciom Starharodski.
Hulnia ŭ adkaz 7 lipienia ŭ Salihorsku. Pačatak a 21:00.