Nadoŭha zakryvajecca ruch pa vulicy Cetkin u Minsku. Źmienicca pavarot naleva na praśpiekcie Niezaležnaści. Adkryjecca dla ruchu zavułak Damašeŭski
U suviazi z budaŭnictvam treciaj linii mietrapalitena ŭ noč z 3 na 4 lipienia prykładna na try miesiacy zakryvajecca ruch usich vidaŭ transpartu pa vulicy Kłary Cetkin ŭ centry Minska na učastkach ad płoščy Bahuševiča da vulicy Kalvaryjskaj.
Fota: tio.by
Jak paviedamlaje ŭpraŭleńnie DAI HUUS Minharvykankama, razam z zakryćciom vuł. K.Cetkin budzie adkryty ruch pa rekanstrujavanym Damašeŭskim zavułku. Abjezd zakrytaha ŭčastka budzie arhanizavany pa maršrucie: praciah praśpiekta Mašerava — zavułak Damašeŭski — vuł. K.Libkniechta — 2-i zavułak Rozy Luksiemburh z vyjezdam na praśpiekt Dziaržynskaha.
Na pieryjad zakryćcia učastkaŭ vuł. K. Cetkin ruch transpartnych srodkaŭ ź siektara vuł. K. Libkniechta, zav. Paŭnočnaha, vuł. Zachodniaj z vyjezdam na vuł. K. Cetkin budzie ažyćciaŭlacca praz vuł. Karala i vuł. Drazda. Na pieryjad zakryćcia vulicy K. Cetkin vulica Karala na ŭčastku ad vuł. K. Cetkin da vuł. Drazda stanie dvuchbakovaj dla ruchu transpartu. Na ŭsim praciahu vuł. Karala buduć ustanoŭleny darožnyja znaki 3.27 «Prypynak zabaronieny». Dla pavieličeńnia prapusknoj zdolnaści darohi takija ž znaki raźmieściać na vuł. Drazda.
Dla pieraraźmierkavańnia transpartnaj nahruzki budzie zabaronieny levy pavarot z praśpiekta Niezaležnaści na vuł. Haradski Vał dla ŭsich vidaŭ transpartnych srodkaŭ.
Ruch hramadskaha transpartu z praśpiekta Niezaležnaści budzie ažyćciaŭlacca praz vulicu Vaładarskaha (z arhanizacyjaj levaha pavarotu). Ruch astatnich transpartnych srodkaŭ z praśpiekta Niezaležnaści ŭ bok vuł. Ramanaŭskaja Słabada, vuł. Kalvaryjskaja budzie arhanizavany praź pierakryžavańni z vuł. Lenina i vuł. Ja.Kupały.
Na vuł. Niamiha ŭ rajonie skryžavańnia z vuł. Ramanaŭskaj Słabadoj časova zabaroniać piešachodam pierasiakać prajeznuju častku pa ziebry ad doma № 28 u napramku vuł. Haradski Vał. U hetym miescy budzie ŭstanoŭlenaja aharodža. Dla pavieličeńnia prapusknoj zdolnaści skryžavańnia zialonaja strełka, jakaja dazvalaje ruch naprava ŭ bok pł. Bahuševiča, budzie hareć daŭžej jak zvyčajna.
Prypynak hramadskaha transpartu «Muzyčny teatr», raźmieščany na prasp. Dziaržynskaha ŭ napramku 2-ha zavułka R. Luksiemburh, pieraniasuć za pł. Bahuševiča, dzie vuł. Niamiha pierasiakajecca z vuł. K. Libkniechta i pa susiedstvie raźmieščany rehulavany piešachodny pierachod. Piešachodny pierachod na prasp. Dziaržynskaha ŭ rajonie prypynku «Muzyčny teatr» budzie zabaronieny.
Taksama buduć pryniatyja inšyja miery, nakiravanyja na zabieśpiačeńnie prapusknoj zdolnaści prylehłaj da miesca zakryćcia vulična-darožnaj sietki.