Źjaviłasia VIDEA skandalnaj zajavy Śviatłany Aleksijevič pra palakaŭ
Biełaruskaja piśmieńnica i nobieleŭskaja łaŭreatka pa litaratury Śviatłana Aleksijevič zrabiła skandalnuju zajavu pra adnosiny palakaŭ da jaŭrejaŭ padčas Druhoj suśvietnaj vajny. Adbyłosia heta na sustrečy ŭ Bruklinie. Videa jaje zajavy trapiła ŭ internet.
Aleksijevič: «I vy viedajecie, što rabiła Polšča ź jaŭrejami… Ja viedaju, adzin znajomy žurnalist u Polščy napisaŭ, što palaki rabili ź jaŭrejami. Palaki horš za ŭsich adnosilisia da jaŭrejaŭ. I ksiandzy prosta kazańni havaryli «zabi jaŭreja».
Taksama Śviatłana Aleksijevič skazała, što karniki, jakija padčas niamieckaj akupacyi 1941—1944 hadoŭ dziejničali ŭ Biełarusi, «byli ŭsie z Ukrainy». Pavodle jaje słoŭ, nie tolki ŭ Litvie, Łatvii miascovaje nasielnictva samo źniščała jaŭrejaŭ jašče da prychodu niemcaŭ, ale i va Ukrainie. Taksama piśmieńnica parazvažała pra adkaznaść naščadkaŭ za hetyja złačynstvy.
MZS Polščy asudziła zajavu Śviatłany Aleksijevič. U joj adznačajecca, što «takoha kštałtu zajavy nie padmacavanyja faktami i ŭ vyšejšaj stupieni niespraviadlivyja… nanosiać škodu polskamu narodu». Źviartajecca ŭvaha na toje, što tysiačy palakaŭ, u tym liku i ksiandzy, ryzykujučy svaim žyćciom, ratavali jaŭrejaŭ padčas niamieckaj akupacyi.