Z-za mocnaha vietru ŭ Minskaj vobłaści byŭ abiastočany 321 nasieleny punkt
Z-za mocnaha vietru ŭ Minskaj vobłaści 3 lipienia byŭ abiastočany 321 nasieleny punkt, paviedamlaje pres-słužba abłasnoha ŭpraŭleńnia MNS.
Biez elektrazabieśpiačeńnia apynułasia 27 sielskahaspadarčych budynkaŭ, u tym liku 22 małočnatavarnyja fiermy, 21 daškolnaja ŭstanova, 21 škoła, 1.073 transfarmatarnyja padstancyi.
Adklučeńni elektryčnaści adbylisia ŭ Vilejskim, Kapylskim, Łahojskim, Minskim, Maładziečanskim, Puchavickim i Smalavickim rajonach.
Taksama paškodžanyja dachi 11 budynkaŭ u troch rajonach vobłaści: Staŭbcoŭskim (cialatnik AAT «Šaški»); Puchavickim (dźvie małočnatavarnyja fiermy, piłarama, majsternia, zierniaskład, dyśpietčarskaja AAT «Vieciarevičy»); Kapylskim (sienaschovišča, dva cialatniki, małočny błok AAT «Plemianny zavod Dusajeŭščyna»).
Ahułam dla adnaŭleńnia dachaŭ spatrebicca 1.830 listoŭ šyfieru, 30 listoŭ polikarbanata, 200 kv. mietraŭ blachi.
Pavodle infarmacyi MNS, u vyniku prachodžańnia mocnaha vietru 17 červienia na terytoryi Minskaj vobłaści ŭsio jašče zastajucca paškodžanymi dachi vaśmi budynkaŭ.