«Jon usio žyćcio zajmaŭsia boskimi spravami»: u Minsku pačaŭsia sud nad Uładzimiram i Kaźbiekam Japryncavymi

U Centralnym sudzie Minska pačaŭsia sud pa kryminalnaj spravie pa abvinavačvańni baćki i syna Uładzimira i Kaźbieka Japryncavych u ździajśnieńni złačynstva, praduhledžanaha č.4 art. 209 (machlarstva, ździejśnienaje arhanizavanaj hrupaj albo ŭ asabliva bujnym pamiery).

Uładzimir Japryncaŭ, fota Siarhieja Hudzilina

12:45

Juryj Čyž davaŭ pakazańni pa spravie Japryncavych u vieraśni 2015 h.

12:44

Kaźbiek i Uładzimir Japryncavy zajavili, što viny nie pryznajuć.

Kaźbiek Japryncaŭ: Całkam nie pryznaju svaju vinu
Uładzimir Japryncaŭ: Vinu nie pryznaju

— NN.BY / «Naša Niva» (@nasa_niva) 4 ijula 2016 h.

12:19

Japryncaŭ i Arabian pravodzili sustrečy z paciarpiełymi ŭ ofisie «Trajpła», abiacali ad imia kampanii viarnuć hrošy, ale nie mieli takich paŭnamoctvaŭ.

12:07

Abvinavačvańnie: Potym Kaźbiek Japryncaŭ hetak sama pastupiŭ z šatłandskaj kampanijaj. Jaje straty skłali 3 miljony dalaraŭ.

Kaźbiek Japryncaŭ śmiajecca na łavie padsudnych.

11:55

Abvinavačvańnie: Kaźbiek Japryncaŭ abiacaŭ pastavić aŭstryjskaj kampanii 20 tysiač ton mazuty. Atrymaŭ ad ich 9 miljonaŭ dalaraŭ, ale tak ničoha i nie pastaviŭ. Potym hety fokus Japryncaŭ-małodšy pravaročvaŭ jašče niekalki razoŭ.

U ahulnaj sumie Kaźbiek Japryncaŭ "nahreŭ" aŭstryjskuju kampaniju na 27 450 087 dalaraŭ.

— NN.BY / «Naša Niva» (@nasa_niva) 4 ijula 2016 h.

Kaźbiek Japryncaŭ.

11:48

Začytvajuć list ad Biełaruskaj fiederacyi samba. Kažuć, Japryncaŭ kiravaŭsia ŭ žyćci pryncypami «honaru, abaviazku i hodnaści».

Dažylisia, u sud nie puskajuć byłoha kiraŭnika minskaha AMAPu Juryja Padabieda. Jany razam ź Japryncavym pracavali ŭ Trjple. Padabied śmiajecca.

— NN.BY / «Naša Niva» (@nasa_niva) 4 ijula 2016 h.

11:35

U sudzie pierapynak. Abarona Japryncava zajaviła chadajnictva, kab Rabcevič byŭ vykraśleny sa śpisu paciarpiełych. Sam Rabcevič suprać.

Paciarpiełyja.

11:33

Japryncava i syna sudziać pa artykule 209 častka 4 KK. Heta machlarstva, ździejśnienaje hrupaj asob. Termin — ad 3 da 10 z kanfiskacyjaj.

30 čałaviek padtrymki Japryncava zmahli trapić u zału. Niekatoryja svajaki aburajucca, chaj vyhaniajuć presu i zapuskajuć siabroŭ.

11:31

Hałoŭnaja intryha, ci budzie vyklikany ŭ jakaści śviedki Juryj Čyž, jaki znachodzicca ŭ SIZA KDB.

Siabry Japryncava prosiać, kab presu nie puskali ŭ zał. "Zładzili tut cyrk", - kažuć jany.

— NN.BY / «Naša Niva» (@nasa_niva) 4 ijula 2016 h.

11:04

Pryjšoŭ dziudaist, alimpijski miedalist Nacik Bahiraŭ. Padtrymka Japryncava pieršyja dni dakładna budzie kałasalnaj.

10:55

Padtrymać Japryncava pryjechała vielmi šmat ludziej. Moža, čałaviek 40—50. Absalutnaja bolšaść — mužčyny. Šmat siabroŭ pa fiederacyi samba.

Viadoma, što pa kryminalnaj spravie prachodzić jašče adzin fihurant — Alaksandr Arabian, supracoŭnik hrupy kampanij «Trajpł».

Padtrymać Japryncavych pryjšło šmat naroda

***

U sakaviku 2016 hoda kiraŭnik KDB Valeryj Vakulčyk paviedamiŭ, što z zajavaj ab supraćpraŭnaj dziejnaści Uładzimira Japryncava ŭ viedamstva letam minułaha hoda źviarnuŭsia kiraŭnik hrupy kampanij «Trajpł» Juryj Čyž i dva jaho rasijskija partniory.

Padčas rasśledavańnia było vyjaŭlenaje ŭchileńnie ad vypłaty padatkaŭ u «Trajple», da jakoha maje dačynieńnie sam Čyž. Pramyja dokazy hetamu apynulisia ŭ rasparadžeńni KDB 11 sakavika. Zaraz biźniesmien taksama ŭtrymlivajecca pad vartaj u SIZA KDB pavodle abvinavačańnia ŭ ździajśnieńni złačynstva, praduhledžanaha častkaj 2 artykuła 243 KK (uchileńnie ad vypłaty padatkaŭ i zboraŭ u asabliva bujnym pamiery).

Piać faktaŭ pra miljaniera Uładzimira Japryncava, sud nad jakim pačaŭsia ŭ Minsku

Kamientary da artykuła