Maleńkaja dziaŭčynka zvaliłasia z akna 6-ha paviercha
U Minsku 3 lipienia z akna 6-ha paviercha vypała dziaŭčynka čatyroch z pałovaj hadoŭ. Pa ščaślivaj vypadkovaści dzicia abyšłosia niaznačnymi ŭdarami.
Zdareńnie adbyłosia na vulicy Kasmanaŭtaŭ.
«Baćki litaralna na chvilinu adviarnulisia, a dzicia abapiorłasia na maskitnuju sietki i vypała z akna», - paviedamiŭ padrabiaznaści aficyjny pradstaŭnik SK pa horadzie Minsku Alaksiej Klimovič.
Pavodle jaho słoŭ, dziaŭčynka ź lohkimi cialesnymi paškodžańniami była špitalizavanaja. U ciapierašni čas jaje žyćciu i zdaroŭju ničoha nie pahražaje.
Pa dadzienym fakcie SK pravodzić pravierku.
Z pačatku letniaha siezonu, nahadajem, heta ŭžo nie pieršy taki vypadak ź dziećmi. Nie zaŭsiody jany skančajucca ščaśliva.