AAE rekamiendavali mužčynam nie nasić tradycyjnuju vopratku za miažoj
Ministerstva zamiežnych spraŭ Abjadnanych Arabskich Emirataŭ raspaŭsiudziła zaklik da žycharoŭ ustrymacca ad našeńnia tradycyjnaha mužčynskaha kaściuma za miažoj.
Nahodaj dla rekamiendacyi staŭ incydent, jaki adbyŭsia ŭ ZŠA ŭ kancy červienia, kali biznesmiena z AAE zatrymali pa padazreńni ŭ suviaziach z «Isłamskaj dziaržavaj».
Pa paviedamleńniach miascovaj presy, supracoŭnica haścinicy ŭ štacie Ahajo patelefanavała ŭ słužbu 911, kali mužčyna, apranuty ŭ tradycyjny dla AAE kaścium — doŭhuju biełuju sukienku i hałaŭny ŭbor, — uvajšoŭ u faje. Pa słovach supracoŭnicy haścinicy, mužčyna zdaŭsia joj padazronym, tamu što ŭ jaho było dva telefony, padobnyja na «adnarazovyja» (takimi ŭ ZŠA časta karystajucca złačyncy).
Na vyklik prybyli supracoŭniki palicyi, jakija pavalili biznesmiena na padłohu, načapili na jaho kajdanki i paviali. U chodzie zatrymańnia mužčyna atrymaŭ traŭmy. Zbroi pry im nie znajšli. Supracoŭnica haścinicy paśla pryznałasia, što nijakich zajaŭ ab ID arabski biznesmien nie rabiŭ. U palicyi zdareńnie nazvali nieparazumieńniem.