Arhanizatary be2gether damovilisia z Fool's Garden i nia zdoleli — z N.R.M.
Arhanizatary festu Be2gether nia zdoleli damovicca na vystup ź biełaruskim hurtom N.R.M. «Za tyja hrošy, što nam prapanavali my nia hrajem užo hod dziesiać», — skazaŭ Pit Paŭłaŭ.
Be2gether'2008 raspačniecca 14 žniŭnia kala Vilenskaj ratušy. Dla ŭsich prysutnych prahučyć admysłovaja barabannaja siuita, jakaja maje stać niečym nakštałt aficyjnaha himnu festyvalu.
15 žniŭnia be2gether pieramieścicca ŭžo ŭ Narviliški — viosku la miažy ź Biełaruśsiu. Mienavita tam, na terytoryi staroha zamku, muzyka budzie hučać try dni — da 17 žniŭnia.
Arhanizatar festu Hiedrus Klimkiavičus abiacaje, što sioletni Be2gether budzie hrandyjoźniejšym za letašni. Na placoŭcy festu źjaviacca try sceny, raznastajnyja kluby, dyskateki, projduć mastackija majstar-klasy.
Ciaham troch dzion u Narviliškach zahrajuć kala 70 hurtoŭ. Pa stanie na 22 traŭnia arhanizatary paviedamili žurnalistam nastupny śpis udzielnikaŭ:
- Groove Armada (Vialikabrytanija)
- Fool's Garden (Niamieččyna)
- My Baby Wants to Eat Your Pussy (Niamieččyna)
- Fishbone (ZŠA)
- Infected Mushroom (Izrail)
- Bix (Litva)
- The Dynamites (ZŠA)
- Etiennie de Crecy (Francyja)
- Happyendless (Litva)
- Valgeir Sigurrdson (Iślandyja)
- Clan of Xymox (Niderlandy)
- Communic (Narvehija)
- Baka Beyond (Kamerun)
- Doi (Danija)
- OSIMIRA (Biełaruś)
- Mauzer (Biełaruś)
Papiarednie arhanizatary planavali zaprasić da ŭdziełu ŭ Be2gether biełaruski hurt N.R.M. Adnak, jak stała viadoma, u litoŭcaŭ nie atrymałasia damovicca ź biełarusami.
«Jany nia zdoleli vykanać našyja ŭmovy», — skazaŭ TH hitaryst N.R.M. Pit Paŭłaŭ.
«Finansavyja ŭmovy?» — pacikavilisia my.«U tym liku i finansavyja», — adkazaŭ Paŭłaŭ. — «Za tyja hrošy, što nam prapanavali my nia hrajem užo hod dziesiać».
Arhanizatary Be2gether źbirajucca pašukać zamienu N.R.M. siarod hurtoŭ ź Biełarusi.
Kvitok na sioletni Be2gether budzie kaštavać niatanna — 65 eŭra. Ale kožny ŭładalnik takoha kvitka budzie mieć prava na biaspłatnuju litoŭskuju vizu, dziejsnuju na čas festyvalu.