U 2017 hodzie ŭłady prahnazujuć rost VUP na 0,2—1,5%
Ułady papiarednie vyznačyli dva mahčymyja scenaryi raźvićcia ekanomiki ŭ 2017 hodzie
Pavodle infarmacyi BiełaPAN, zhodna ź pieršym scenaryjem raźvićcia ekanomiki, paramietry rostu buduć adpaviadać tempam, zakładzienym u Prahramu sacyjalna-ekanamičnaha raźvićcia da 2020 hoda, i rost VUP u nastupnym hodzie składzie 1,5%. Hetaha vyniku, jak ličać ekanamičnyja ŭłady, možna damahčysia pry ŭmovie, kali košt nafty na suśvietnym rynku stabilizujecca na ŭzroŭni 45 dołaraŭ za baral, siaredniehadavy abmienny kurs składzie 70 rasijskich rubloŭ za dołar, a VUP Rasii vyraście ŭ nastupnym hodzie na 1%.
U toj ža čas inšy scenaryj praduhledžvaje pavieličeńnie VUP tolki na 0,2%. Hety scenaryj padrychtavany z ulikam siaredniehadavoha koštu nafty ŭ 2017 hodzie na ŭzroŭni 35 dołaraŭ za baral, siaredniehadavoha abmiennaha kursu 75 rasijskich rubloŭ za dołar i źnižeńnia VUP Rasii na 1%.
Varta zaznačyć, što misija Mižnarodnaha valutnaha fondu na minułym tydni pradstaviła prahnoz, pavodle jakoha VUP Biełarusi pa vynikach 2016 hoda źnizicca na 3%, a ŭ 2017-m — na 0,5%.