Afnahiel zavočna asudžany na siem sutak aryštu
Analahičnyja zavočnyja prysudy za ŭdzieł u aficyjnym Pieršamai byli vyniesienyja Paŭłu Juchnieviču, Źmitru Daškieviču j Arturu Fińkieviču. Sud, pra jaki nia viedali ni aktyvisty, ni ich advakaty, adbyŭsia 15 traŭnia.
Jaŭhien Afnahiel |
Aktyvist apazycyi Jaŭhien Afnahiel zavočna prysudžany da siami sutak administracyjnaha aryštu za ŭdzieł u akcyi 1 traŭnia la budynku Nacyjanalnaj biblijateki ŭ Miensku. Siońnia jon pa pošcie atrymaŭ kopiju pastanovy sudu Pieršamajskaha rajonu.
Nahadajem, analahičnyja zavočnyja prysudy za ŭdzieł u aficyjnym Pieršamai byli vyniesienyja Paŭłu Juchnieviču, Źmitru Daškieviču j Arturu Fińkieviču. Sud, pra jaki nia viedali ni aktyvisty, ni ich advakaty, adbyŭsia 15 traŭnia.
Kala 30 aktyvistaŭ byli zatrymanyja 1 traŭnia ŭ časie mitynhu, arhanizavanaha Federacyjaj prafsajuzaŭ Biełarusi la Nacyjanalnaj biblijateki. Padstavaj dla zatrymańnia stałasia toje, što jany pryjšli na akcyju ź ściahami Eŭraźviazu. Zatrymanych abvinavacili ŭ parušeńni artykułu 23.34 KoAP (udzieł u niesankcyjanavanym mierapryjemstvie), skłali pratakoły j adpuścili pad abaviazalnictva źjavicca ŭ milicyi pa pieršym patrabavańni. Adnak ni razu paśla hetaha ich nichto nie vyklikaŭ ni ŭ sud, ni ŭ RAUS.
Raniej za hetuju samuju akcyju na 10 sutak aryštu byŭ asudžany lider BSDP (NH) Mikoła Statkievič.