U Piciery ŭ biełarusaŭ adabrali vafli
Za niearyhinalnyja rasiejskamoŭnyja nazvy.
Arbitražny sud horadu Pieciarburhu j Leninhradzkaj vobłaści pryciahnuŭ da administracyjnaj adkaznaści adnu z kandytarskich firm Biełarusi za niezakonnaje vykarystańnie zarehistravanych u Rasiejskaj Federacyi tavarnych znakaŭ «Skazka» i «Južnyje noči».
Uładalniki tavarnych znakaŭ — pradstaŭniki rasiejskich AAT «Krasnyj oktiabŕ» i AAT «Rot Front» — zaśviedčyli adsutnaść licenzijnych damoŭ na vykarystańnie hetych tavarnych znakaŭ.
Sud pryznaŭ firmu vinavataj va ŭčynieńni administracyjnaha pravaparušeńnia, i, uličvajučy źmiakčalnyja abstaviny, u vyhladzie spryjańnia mytnym orhanam va ŭstalavańni j spynieńni pravaparušeńnia, a taksama toje, što pradpryjemstva raniej nie pryciahvałasia da administracyjnaj adkaznaści, prysudziŭ joj minimalnaje pakarańnie — 30 tysiač rasiejskich rubloŭ z kanfiskacyjaj tavaru.