Chviedaruka zavočna pakarali aryštam i štrafam

Jak i Źmitra Daškieviča i Artura Fińkieviča, za akcyju 1 traŭnia.

Aktyvista niezarehistravanaj arhanizacyi «Małady front» Źmitra Chviedaruka za ŭdzieł u akcyi 1 traŭnia zavočna pakarali aryštam na 10 sutak i štrafam na 30 bazavych vieličyniaŭ (1 młn 50 tys.).

Źmitra zatrymali razam ź inšymi ŭdzielnikami śviatkavańnia 1 traŭnia kala budynka Nacyjanalnaj biblijateki. Mikołu Statkieviča milicyjanty pakinuli da sudu ŭ turmie na vulicy Akreścina, a ź niekalkich moładzievych aktyvistaŭ uziali padpisku ab tym, što jany pryjduć u sud na pieršaje ž patrabavańnie.

Źmicier Chviedaruk, adnak, pozvy nie atrymaŭ. Pra toje, što prysud jamu vynieśli jašče 12 traŭnia, jon daviedaŭsia tolki siońnia. Dniami pra zavočnyja prysudy daviedalisia taksama jahonyja paplečniki Źmicier Daškievič i Artur Fińkievič.

U dadatak da aryštu, Źmitra Chviedaruka pakarali štrafam za nibyta niepadparadkavańnie supracoŭnikam milicyi.

Zakanadaŭčyja normy zabaraniajuć zavočna vynosić prysudy pavodle artykułaŭ zakonu ab masavych mierapryjemstvach, kali abvinavačanaha navat nie zaprašajuć pryjści ŭ sud.

Radyjo Svaboda

Kamientary da artykuła