«Chajnekien» nabyła «Rečycapiva»
22 maja hałandskaja kampanija «Chajniekien» aficyjna abjaviła ab nabyćci kantrolnaha pakieta akcyj AAT «Rečycapiva».
Jak paviedamlaje aficyjny sajt kampanii «Chajniekien», pa ŭmovach pahadnieńnia hałandski bok inviestuje 9,9 młn. dołaraŭ ZŠA ŭ pavieličeńnie akcyjaniernaha kapitału AAT «Rečycapiva». Paśla hetaj ździełki «Chajniekien» płanuje zaniać da 25% biełaruskaha rynku piva.
«Paśla nabyćcia piŭzavoda «Siabar» u śniežni 2007 hoda hetaja ździełka paćviardžaje našu vieru ŭ patencyjał biełaruskaha rynku piva, — cytuje pres-reliz rehijanalnaha dyrektara «Chajniekien» u Centralnaj i Uschodniaj Jeŭropie Nika Nuśmiejera. — Kambinacyja «Siabra» i «Rečycapiva» dazvolić zaniać nam viadučuju pazicyju na rynku Biełarusi i stvoryć ustojlivuju płatformu dla rostu našych rasijskich brendaŭ».
Daviedka BiełaPAN. Zavod «Rečycapiva» ŭviedzieny ŭ dziejańnie ŭ 1975 hodzie. U 2000 hodzie pieraŭtvorany ŭ sumiesnaje biełaruska-litoŭskaje AAT. Mahutnaści pradpryjemstva pa vytvorčaści piva ciapier składajuć 5,2 młn. dał za hod. Pradpryjemstva realizuje pradukcyju pad handlovymi markami «Rečyckaje», «Dniaproŭskaje», «BergG».
Pivavarnaja kampanija Heineken N.V. była zasnavana ŭ 1864 hodzie. Jana vałodaje mahutnaściami ŭ 65 krainach, u jaje skład uvachodzić 119 piŭzavodaŭ. Pa abjomach pivavareńnia kampanija zajmaje treciaje miesca ŭ suśvietnym rejtynhu vytvorcaŭ piva i pieršaje miesca — u Jeŭropie.