Za pikiet suprać abortaŭ — u sud
U Pastavach suprać Kastusia Šytala zaviali administracyjnuju spravu.
Na Kastusia Šytala zaviali administracyjnuju spravu za praviadzieńnie niesankcyjanavanaj akcyi: 9 traŭnia jon zładziŭ pikiet suprać abortaŭ na miascovym kirmašy.
Pavodle Kastusia Šytala, pratakoł pra pravaparušeńnie na jaho skłali tolki 23 traŭnia -- paśla taho, jak učatkovy milicyjant patelefanavaŭ chłopcu i vyklikaŭ jaho ŭ pastarunak. Zhodna z pratakołam, milicyjanty vinavaciać chłopca ŭ praviadzieńnia masavaha mierapryjemstva.
18-hadovy aktyvist zaŭvažyŭ, što padčas samoj akcyi supracoŭniki milicyi pretenzijaŭ da jaho nia vykazvali. Z paŭtary hadziny ŭdzielniki prastajali na kirmašy z płakatam «Fašystaŭ pieramahli, a dziaciej usio adno zabivajuć!», razdajučy ŭlotki z zaklikam da zabarony abortaŭ. Praz peŭny čas supracoŭniki milicyi zahadali prybrać plakat.