Novy «Ledavikovy pieryjad»: žarty i ničoha bolš
Ledavikovy pieryjad 5: Kurs na sutyknieńnie
Žanr: multfilm, kamiedyja, pryhody
Režysior: Majk Ciormajer, Halen T. Ču
U rolach (ahučka): Nik Ofierman, Adam Dyvajn, Sajman Piehh, Dženifier Łopiez, Mielisa Rauš, Stefani Bieatrys
ZŠA, 94 chv.
Adznaka: 5
Imknieńnie vaviorki Skrata złavić arech pryviali jaho ŭ adkryty kosmas, dzie jon stvaraje Soniečnuju sistemu. U vyniku jaho dziejańniaŭ na Ziamlu lacić mietearyt. Meńni, Sid, Dyjeha i astatniaja častka statka vymušanyja pakinuć svaje damy i prystupić da pošukaŭ novaha miesca. Łaska Bak vybraŭsia sa śvietu dynazaŭraŭ i vyrašyŭ dapamahčy hierojam spynić mietearyt. Padčas padarožža jany sustrenucca z ekzatyčnymi žyviołami, siarod jakich duchoŭny lider Šanhry-Łama.
Multfilm źjaŭlajecca piatym u sieryi animacyjnych filmaŭ «Ledavikovy pieryjad» vytvorčaści Blue Sky Studios. Pieršaja častka vyjšła u 2002, ale najbolšuju papularnaść, jak i najbolšyja zbory zdabyli sikvieły «Ledavikovy pieryjad 3: Era dynazaŭraŭ» (2009) i «Ledavikovy pieryjad 4: Kantynientalny drejf» (2012).
Piataja častka vykarystoŭvaje najbolš fantastyčny siužet, čym padziei minułych filmaŭ.
Historyja Skrata źjaŭlajecca parodyjaj na navukova-fantastyčnyja filmy Rydli Skota «Čužy» (1979), «Pramietej» (2012) i «Marsijanin» (2015).
Pamienšała i aśvietnickaj infarmacyi: dzieci daviedajucca, jak utvaryłasia Ziamla, a astatnija padziei bolš viesialać, čym vučać ci paviedamlajuć niešta karysnaje.
Siužet krucicca vakoł temy stvareńnia novaj siamji mamantaŭ i adnosinaŭ Meni z dačkoj i ziaciem, a taksama vyratavańnia ad mietearytu.
Usio dziejańnie mocna razbaŭlenaje žartami, pa-sapraŭdnamu ničoha strašnaha nie adbyvajecca — prynamsi, pieražyvańni hierojaŭ zastajucca za kadram.
Raduje tolki vyklučnaja jakaść hrafiki.
Multfilm maje ŭzrostavy rejtynh 0+ i padyjdzie dla samych maleńkich hledačoŭ.