«Načny Dzimula» ŭźvioŭ paklop na načalnika Viciebskaha DAI — daviałosia vybačacca praz «Ukantakcie»
Ilustracyjny zdymak. Fota «Narodnych navinaŭ Viciebska».
Niadaŭna ŭ papularnaj hrupie «Heta Viciebsk, dzietka!» U sacyjalnaj sietcy «Ukantakcie» byŭ apublikavany cikavaja infarmacyja. Pad nikam «Načny Dzimula» nieviadomy karystalnik paviedamlaŭ navinu: novy načalnik DAI i jaho były kaleha zładzili deboš u adnym z kafe horada. Pasprabavali, maŭlaŭ, hvałtoŭna vyvieści adsiul ŭpadabanych im dziaŭčat. Za biednych dam, nibyta, zastupiŭsia małady čałaviek, jaki źbiŭ chulihanaŭ. Ciapier načalnik DAI sprabuje vyrašyć svaje prablemy, padkuplaje śviedak i dziaŭčat — baicca stracić pracu i žonku.
Pravierkaj atrymanaj infarmacyi zanialisia kampietentnyja orhany. I daviedalisia, što novy načalnik DAI, jaki pryjechaŭ u Viciebsk na pracu ź inšaj vobłaści, naohuł nikoli nie byŭ u hetym kafe.
«Načnoha Dzimulu» — pad hetym nikam, jak vyjaviłasia, chavaŭsia 30-hadovy viciebčuk — vyklikali ŭ sud.
Kab zamiać administracyjnuju spravu pa fakcie paklopu, jon napisaŭ pakajanny list načalniku DAI, prasiŭ prabačeńni i śćviardžaŭ, što nijakim čynam nie chacieŭ jaho pakryŭdzić. Praŭda, pasłaŭ jaho nie pa elektronnaj, a pa zvyčajnaj pošcie. Sud abaviazaŭ «Načnoha Dzimulu» raźmiaścić abviaržeńnie ŭ toj ža hrupie, dzie i była pieršapačatkova apublikavanaja chłuśnia. Milicyjant pryniaŭ prabačeńnia, incydent vyčarpany.