Viktoryja Azaranka: U kancy hoda ja stanu mamaj
Pra heta biełaruskaja spartsmienka napisała ŭ tvitary.
«Šanoŭnyja zaŭziatary, u mianie jość dla vas cikavyja naviny.
— Užo niekalki tydniaŭ ad mianie nie było nijakaj infarmacyi. Pakul ja adychodziła ad traŭmy kalena, atrymanaj padčas Rolland Garros, ja atrymała paviedamleńnie ad doktara, što ja i moj małady čałaviek u kancy hoda staniem baćkami. Nielha być bolš ščaślivymi, čym my ciapier, kali pačynajem stvareńnie ŭłasnaj siamji.
Ja budu sumavać pa sporcie, ale nie mienš chvalujusia pra toje, što budzie napieradzie. Mianie čakaje ŭdaskanaleńnie samoj siabie ŭ tych napramkach, na jakija ŭ mianie prosta nie było času.
Ja zachaplajusia prykładami mocnych žančyn-spartsmienak, jakija zmahli viarnucca na viaršyni paśla naradžeńnia dziciaci, i źbirajusia iści ich šlacham.
Niama ničoha bolš nievierahodnaha, čym naradžeńnie dziciaci, i šmatlikija prykłady natchniajuć mianie na praciah karjery i vychavańnie dziaciej.
Ja dziakuju svajoj siamji, siabram, kamandzie i sponsaram — vaša padtrymka była vielmi mocnaj.
I ŭsim maim fanatam: ja ŭžo vielmi čakaju, kali zmahu padzialicca novym etapam svajho žyćcia z usimi vami».