Što viadoma pra napad u Łondanie
U Łondanie, u noč z 3 na 4 žniŭnia, u vyniku napadu złamyśnika, uzbrojenaha nažom, zahinuła adna žančyna, atrymali ranieńni piać čałaviek.
Zabitaja žančyna — 60-hadovaja hramadzianka ZŠA. Siarod piaci paranienych — hramadzianie Brytanii, ZŠA, Aŭstralii i Izraila.
Fota AFP.
Što viadoma pra napad
Paviedamleńnie pra napad na płoščy Raseł-skvier u centry Łondana pastupiła ŭ palicyju ŭ sieradu, 3 žniŭnia, u 22:33 pa miascovym časie (00:33 čaćviarha pa Minsku).
Ludzi, jakija patelefanavali ŭ palicyju, skazali, što nieviadomy mužčyna z nažom atakuje minakoŭ.
Palicyjanty, jak śćviardžaje Skotlend-jard, prybyli na miesca złačynstva ciaham šaści chvilin.
Palicyi ŭdałosia zatrymać złamyśnika biez adzinaha strełu, užyŭšy elektrašokier.
Raseł-skvier raźmieščany za vuhłom Brytanskaha muzieja, vakoł płoščy — šmat hatelaŭ.
Fota EPA.
Što viadoma pra napadnikaŭ
Napadnikam akazaŭsia 19-hadovy hramadzianin Narviehii samalijskaha pachodžańnia.
Imia złamyśnika nie nazyvajecca.
Jon byŭ dastaŭleny ŭ balnicu, a paźniej pieraviedzieny ŭ palicejski ŭčastak.
Što viadoma pra matyvy napadu
Najbolš imaviernaj pryčynaj napadu palicyja ličyć niestabilny psichičny stan chłopca.
Pa słovach palicyjantaŭ, jany zychodziać z taho, što napad byŭ spravakavany psichičnym stanam złačyncy, a svaich achviar małady čałaviek abraŭ vypadkova.
«Chaču adznačyć, što my pakul nie znajšli nijakich dadzienych, jakija mahli b pakazać na suviaź napadnika z terarystyčnymi arhanizacyjami», — skazaŭ namieśnik kiraŭnika Skotlend-jarda Mark Raŭli.
Na nastupny dzień da miesca napadu prynieśli kvietki. Fota EPA.
Što viadoma pra achviaraŭ napadu
U vyniku napadu 60-hadovaja hramadzianka ZŠA pamierła na miescy.
Jašče piać čałaviek atrymali ranieńni — siarod ich hramadzianie Vialikabrytanii, ZŠA, Aŭstralii i Izraila. Pa dadzienych Skotlend-jarda, dva čałavieki pa-raniejšamu znachodziacca ŭ balnicy, ale ich žyćciu ničoha nie pahražaje.
U aŭtorak mer Łondana Sadok Chan i kiraŭnik łondanskaj palicyi ser Biernard Chohan-Choŭ paabiacali, što praz pahrozu teraktaŭ na vulicach Łondana stanie adčuvalna bolš uzbrojenych palicejskich patruloŭ.