Facebook mianiaje ałharytm dla baraćby z pravakacyjnymi zahałoŭkami
Sacyjalnaja sietka Facebook abviaściła pra toje, što źmienić miechanizm składańnia stužki navin, kab u joj było mienš artykułaŭ ź nieinfarmatyŭnymi i pravakacyjnymi zahałoŭkami.
Fota static6.techinsider.io.
Da pieramienaŭ Facebook padšturchnuli šmatlikija skarhi: karystalniki niezadavolenyja tym, što zahałoŭki artykułaŭ uvodziać u zman ci nie ŭtrymlivajuć klučavuju infarmacyju, a tolki prymušajuć čytača kliknuć.
Havorka idzie pra takija zahałoŭki, jak «Jana zazirnuła pad padušku i ŭbačyła heta… Ja byŭ u šoku!», «Sabaka abbrachaŭ paštaljona, jaho reakcyja była cudoŭnaja», «Jon pakłaŭ časnyk u čaraviki, pierad tym jak lehčy spać, u toje, što adbyłosia dalej, niemahčyma pavieryć».
Kampanija vyłučaje dva typy «klikbejt» (ad słoŭ Click (kliknuć) i Bait (prynada)) zahałoŭkaŭ.
Heta zahałoŭki, jakija nie dajuć zahadzia zrazumieć źmiest materyjału («Vy nie pavierycie, chto spatyknuŭsia i ŭpaŭ na čyrvonaj darožcy») i zahałoŭki, jakija pierabolšvajuć značnaść infarmacyi («Ci praŭda, što jabłyki škodnyja dla vas?»).
Stvorany paśla analizu dziasiatkaŭ tysiač padobnych materyjałaŭ ałharytm pracuje pa anałohii sa spam-filtram u elektronnaj pošcie.
Publikacyi sajtaŭ, jakija drenna siabie zarekamiendavali, i staronak u sacsietcy buduć radziej źjaŭlacca ŭ stužkach karystalnikaŭ.