Palicejskija zastrelili amierykanku paśla piaci hadzin tranślacyi kanfliktu ŭ Facebook
Administracyja Facebook pa prośbie palicyi prymusova pierapyniła tranślacyju kanfliktu 23-hadovaj amierykanki z palicyjantami. Pra heta paviedamlaje The Guardian.
Supracoŭniki palicyi sprabavali aryštavać žančynu, pakolki taja nie źjaviłasia ŭ sud na razhlad spravy ŭ dačynieńni da jaje za chulihanstva i parušeńnie praviłaŭ darožnaha ruchu. Amierykanka ŭklučyła tranślacyju ŭ Facebook i ŭ pramym efiry abmiarkoŭvała z padpisantami situacyju, jakaja skłałasia.
Pa słovach supracoŭnikaŭ palicyi, kanflikt dajšoŭ da taho, što žančyna dastała drabavik i pačała pahražać. U vyniku adzin z palicejskich streliŭ, žančyna taksama streliła dva razy, ale pramachnułasia. U vyniku žančyna była zastrelenaja, a jaje piacihadovy syn atrymaŭ ranieńnie.
Pa słovach šefa palicyi Bałtymora Džyma Džonsana, palicyja źviarnułasia da administracyi Facebook i Instagram z prośbaj zabłakavać akaŭnty dziaŭčyny, pakolki padpisanty zaklikali jaje nie padparadkoŭvacca palicyi i ŭsialak padtrymlivali.