Śledčyja prosiać dapamahčy znajści śviedku pa spravie ab zabojstvie Šaramieta
Śledčyja ŭstanavili, što ŭ toj čas, kali złamyśniki stavili vybuchoŭku ŭ mašynu, u jakoj padarvaŭsia Pavieł Šaramiet, ich moh ubačyć śviedka, jakoha jany prosiać dapamahčy adšukać.
Pra heta zajaviŭ načalnik departamienta kryminalnaha vyšuku Nacyjanalnaj palicyi Ukrainy Dźmitry Hałavin padčas bryfinhu ŭ čaćvier u Kijevie.
«Tak, sapraŭdy, jość śviedka. Na žal, jaho asoba ciapier nie ŭstanoŭlenaja. Tamu my prosim dapamahčy jaho adšukać. Kali jon hladzić hetu pieradaču, prosim vyjści da nas ci na «haračuju liniju», ci na «102». Jaho pakazańni vielmi važnyja dla nas, dla śledstva», — dadaŭ jon.
«Heta małady chłopiec, prykładna 180 sm rostam. U jaho charakternaja rysa — čorny zaplečnik z dvuma śviatłoadbivalnymi pałosami. Jon išoŭ pa vulicy Franka ŭ 02:44 u procilehłym kirunku ruchu padazravanych», — skazaŭ Hałavin.
Akramia taho, pradstaŭnik palicyi źviarnuŭsia da ŭsich, chto vałodaje infarmacyjaj pa spravie, telefanavać pa numarach 044-279-66-00 i 044-271-9732 abo 102.
Raniej kiraŭnik MUS Arsien Avakaŭ zajaviŭ, što Nacpalicyja hatovaja zapłacić 200 tysiač hryvien za lubuju infarmacyju, jakaja tyčycca zabojstva žurnalista Paŭła Šaramieta.