Piensijanier padpaliŭ kałonku na AZS u Minsku VIDEA
Pažyły mužčyna padpaliŭ kałonku na AZS u Minsku, paviedamiŭ aficyjny pradstaŭnik USK pa Minsku Alaksiej Klimovič.
Śledstvam ustanoŭlena, što 31 lipienia ŭ druhoj pałovie dnia padazravany zajšoŭ na terytoryju aŭtazapravačnaj stancyi, raźmieščanaj pa vulicy Vaŭpšasava ŭ Minsku. Padyšoŭšy da adnoj z kałonak, jon dastaŭ paliŭna-razdatačny kran i, nacisnuŭšy na ručku, źliŭ reštki paliva na asfalt, paśla čaho padpaliŭ jaho. Dalejšyja dziejańni mužčyny byli spynienyja supracoŭnikami AZS, jakija svoječasova padbiehli.
Padazravanamu 64 hady. U dačynieńni da jaho raspačata kryminalnaja sprava, jakuju rasśleduje Partyzanski (Minska) rajonny adździeł Śledčaha kamiteta. Pryznačanyja ekśpiertnyja daśledavańni, dapytvajucca rabotniki stancyi, a taksama inšyja vidavočcy.
Dziejańni mužčyny kvalifikavanyja śledstvam pa č.1 art.14, č.2 art.218 Kryminalnaha kodeksa Respubliki Biełaruś. Piensijanier uziaty pad vartu.